Aftur í fréttayfirlit
Rangfærslur um launahlutfall leiðréttar
17. febrúar 2022Rangfærslur um launahlutfall leiðréttar
Sú fullyrðing heyrist iðulega fyrir kjarasamninga að launahlutfall á Íslandi sé svo hátt að það geri landið það dýrasta í heimi fyrir launagreiðendur. Þetta er einfaldlega rangt. Laun hér á landi hafa ekki hækkað umfram framleiðnivöxt og hið rétta er að hlutfall launa af verðmætasköpun er sambærilegt við nágrannalönd og lægra en í sex aðildarríkjum Efnahags- og framfarastofnunarinnar (OECD).
ASÍ hefur unnið ítarlega greinargerð um launaþróun og framleiðni á Íslandi til þess að svara þessum fullyrðingum og Drífa Snædal, forseti Alþýðusambands Íslands (ASÍ), lagði greinargerðina fram á fundi Þjóðhagsráðs í febrúar 2022.