Vilja sjálfkrafa aðild að stéttarfélagi
18. nóvember 2024Samtök launafólks á Möltu vilja sjálfkrafa aðild að stéttarfélögum
Almenna stéttarfélagið á Möltu (GWUM) hefur kynnt tillögu um sjálfkrafa aðild að stéttarfélagi að eigin vali. Tillagan miðar að því að vernda sérstaklega lágtekjuhópa á vinnumarkaði á Möltu, sem oft skortir fullnægjandi vernd gegn óréttlátu vinnuumhverfi. Tillagan hefur hlotið stuðning frá öllum helstu stéttarfélögum á Möltu auk félagasamtaka á borð við Graffitti og leigendasamtökin Solidarity.
Mikilvægi verkalýðsfélaga fyrir lágtekjuhópa
Josef Bugeja, framkvæmdastjóri GWU, hefur lagt áherslu á að stéttarfélagsaðild veiti mikilvæg réttindi og vernd, sérstaklega fyrir þá sem starfa við lágar tekjur. Hann bendir á að sumir vinnuveitendur reyni að hindra að starfsmenn gangi í stéttarfélög, þvert á stjórnarskrárvarin réttindi þeirra. Könnun frá 2015 sýndi að 2,5% vinnandi fólks hafði lent í andstöðu frá vinnuveitendum þegar reynt var að ganga í stéttarfélag.
Stuðningskerfi til verndar launafólki
Bugeja útskýrir að lagaumgjörð á Möltu styðji þegar við stéttarfélög, meðal annars í gegnum vinnu- og iðnaðardeildina og Ráði um félags- og efnahagsleg málefni (MCESD). Sem vinni að félagslegum hreyfanleika, efnahagsvexti og aukinni þátttöku í stefnumótun.
Vandamál og ásakanir gegn vinnuveitendum
GWU hefur gagnrýnt vinnuveitendur sem segjast styðja rétt starfsmanna til stéttarfélagsaðildar en grípa samt til aðgerða til að hindra hana. Bugeja nefndi nýlegt dæmi þar sem starfsmanni var boðin breyting í starfi gegn því að segja sig úr stéttarfélagi. Slík skilyrði, sem GWU telur vera hluta af skipulagðri veikingu á verkalýðshreyfingunni, skapar óréttlæti sem margir starfsmenn eigi erfitt með að mótmæla vegna skorts á úrræðum.
Sjálfkrafa aðild sé lausnin
Tillagan um sjálfkrafa aðild miðar að því að draga úr misnotkun á réttindum launafólks, sérstaklega hjá viðkvæmum hópum eins og láglaunafólki, verktökum og þriðja ríkis ríkisborgurum. Bugeja leggur áherslu á að stéttarfélög séu grundvallarstofnanir í réttláttu samfélagi og nauðsynleg mótvægi við vald vinnuveitenda. Aðild veiti starfsmönnum vernd og tækifæri til að standa gegn óréttlátri meðferð.
Næstu skref
GWU heldur áfram að vinna að framgangi tillögunnar, með vaxandi stuðningi frá bæði félagasamtökum og öðrum verkalýðsfélögum. Áhersla er lögð á að tryggja að enginn starfsmaður sé án stuðnings og fullnægjandi réttinda. Með sjálfkrafa aðild verði starfsumhverfi á Möltu réttlátara og sanngjarnara fyrir alla.
Heimid: GWUM