Fulltrúar LÍV í ASÍ-UNG
11. nóvember 2024Öflugir fulltrúar LÍV í stjórn ASÍ-UNG
Hópur fulltrúa ungs fólks í verkalýðshreyfingunni sótti 10. þing ASÍ-UNG sem fram fór á Hellu 7. nóvember sl. Helsta málefni þingsins var efling ungs fólks til að hafa áhrif. Gestir voru Gundega Jaunlinina, varaformaður Hlífar, Birkir Snær Guðjónsson, varaformaður AFLs og Kristján Þórður Snæbjarnarson, formaður RSÍ. Gestir sögðu þingfulltrúum frá reynslu sinni af verkalýðsmálum og hvernig vegferð þeirra hafi verið innan hreyfingarinnar til dagsins í dag. Ungu fólki voru gefin góð ráð og það hvatt til áhrifa enda mikilvægt að raddir ungs fólks heyrist í samfélaginu.
Finnbjörn A. Hermannsson, forseti Alþýðusambandsins, ávarpaði þingið. Hvatti hann unga fólkið til dáða og sagði mikilvægt að það léti til sín taka innan hreyfingarinnar og í samfélaginu öllu.
Fulltrúar LÍV sóttu þingið og eru þau Birgitta Ragnarsdóttir, Þorvarður Bergmann Kjartansson og Mateusz Gabríel K. Róbertsson fulltrúar í LÍV í nýkjörinni stjórn ASÍ-UNG
Stjórn ASÍ-UNG árin 2024 til 2025 er skipuð eftirfarandi:
Ástþór Jón Ragnheiðarson
Ásdís Helga Jóhannsdóttir
Birgitta Ragnarsdóttir
Þorvarður Bergmann Kjartansson
Elsa Hrönn Gray Auðunsdóttir
Guðmunda Steina Jósefsdóttir
Andri Ólafsson
Svanfríður Guðrún Bergvinsdóttir
Inga Fanney Rúnarsdóttir
Varamenn:
Mateusz Gabríel K. Róbertsson
Svandís Dóra Jónsdóttir
Elín Ósk Sigurðardóttir
Stjórn skipar með sér verkum samkvæmt samþykktum ASÍ-UNG og ákvað nýkjörin stjórn að Ástþór Jón Ragnheiðarson yrði áfram starfandi formaður og Ásdís Helga Jóhannsdóttir áfram starfandi varaformaður.